Ilustrim
Arrestohet i dyshuari që kanosi një grua përmes rrjeteve sociale
14.11.2019 - 10:29
Një person është arrestuar gjatë ditës së djeshme në Pejë nën dyshimin se ka kanosur një grua përmes rrjeteve sociale.
Policia ka bërë të ditur se i dyshuari për këtë rast, përmes rrjeteve sociale, për shkaqe ende të panjohura i ka dërguar mesazhe me përmbajtje kanosëse viktimës.
Sipas viktimës, ajo edhe më parë ishte kanosur nga i dyshuari, por e njëjta nuk e kishte raportuar rastin në polici.
I dyshuari pas intervistimit, me vendim të prokurorit është dërguar në mbajtje.