Policia e Nju Jorkut - Ilustrim, Foto: Pixabay
Arrestohet i dyshuari që goditi me thikë shkrimtarin Salman Rushdie
12.8.2022 - 23:45
Policia e shtetit amerikan ka konfirmuar se ka arrestuar sulmuesin e shkrimtarit Salman Rushdie, raporton BBC.
24 vjeçari dyshohet se kishte hyrë në event si çdo pjesëmarrës tjetër i ngjarjes, thotë Policia.
Sipas Policisë, i dyshuari u hodh në skenë dhe goditi Rushdien në qafë dhe gjoks.
Ndërkaq për motivet e sulmit, Policia tha se nuk ka të dhëna, por po punon për të përcaktuar motivin e sulmit.
Shkrimtari Salman Rushdie, u raportua se është sulmuar këtë të premte, pak kohë para se të prezantonte një ligjëratë në New York.
Më tej, thuhet se Rushdie u ngrit në këmbë dhe u rrëzua përderisa u përpoq të ikte. Kurse një numër njerëzish i erdhën në ndihmë dhe të tjerë e ndaluan sulmuesin.