Arrestohet i dyshuari për vjedhje të pajisjeve e parave në dy dyqane të telefonëve në Deçan

Policia e Kosovës ka arrestuar një person të dyshuar për vjedhje në dy dyqane të telefonëve në Deçan.

I dyshuari është kapur më pas në pikën kufitare në Vërmicë.

“Drejtoria Rajonale e Policisë nё Pejë, Stacioni Policor në Deçan, me datё 01.11.2024 rreth orёs 18:00, ёshtё informuar se nё rrugën ‘Luan Haradinaj’, ka ndodhur njё rast vjedhje e rёndё, aty persona tё dyshuar kanё depërtuar me forcё ne dy (2) lokale (mobilshop), ku kanё vjedhur: Telefona, Llap top, ipad si dhe njё shumё tё parave”- thuhet në njoftim.

PK më tej thotë se pas njё pune intensive tё hetueseve tё Stacionit Policor Deçan, ёshtё arritur tё identifikohet dhe arrestohet personi i dyshuar, mё pikën kufitare -Vërmicё i njëjti ёshtё intervistuar nga hetuesit nё praninë e avokatit mbrojtës.

Pas intervistimit, sipas policisë i dyshuari ёshtё ndaluar pёr 48- orё.