Arrestohet i dyshuari për dhunimin e të miturës në Viti

Një vajzë e mitur dyshohet se është dhunuar mes datave 11 dhe 12 mars 2023 në Viti.

Sipas Policisë, viktimës i është bërë ekzaminimi mjekësor dhe në bazë të raporteve ekzistojnë elemente të kryerjes së veprës së dhunimit.

Lidhur me rastin, Policia e Kosovës ka njoftuar se ka arrestuar një person të dyshuar.

Sipas Policisë, familjarët e të dyshuarit kanë dorëzuar raporte mjekësore në bazë të të cilave pretendojnë se i dyshuari ka prapambetje mendore.

Tutje thuhet se me vendim të prokurorit i dyshuari pas intervistimit është dërguar në mbajtje.