Ilustrim
Arrestohet doganieri, dyshohet se i mori 50 euro ryshfet
09.3.2020 - 11:20
Një zyrtar doganor në Pikën Kufitare Kulla, është arrestuar mëngjesin e ditës së djeshme.
Policia ka njoftuar se zyrtari dyshohet se kishte marrë ryshfet prej 50 eurove nga person tjetër duke i mundësuar këtij të fundit të kalonte kufirin pa iu nënshtruar procedurave të zhdoganimit të disa gjësendeve të cilat po i transportonte.
Në lidhje me këtë rast, gjykata kompetente ka lëshuar edhe urdhër bastisje në zyrën e të dyshuarit.
Gjatë kontrollit të po të njëjtës zyrë, janë gjetur dhe janë konfiskuar 70 euro në një dyshek.
Me vendim të prokurorit pas intervistimit i dyshuari është dërguar në mbajtje.