Ilustrim
Arrestohet burri pasi ushtroi dhunë psikike ndaj gruas që të largohej nga shtëpia
12.3.2023 - 08:57
Një burrë është arrestuar dy natë më parë në Pejë.
Policia ka njoftuar se i dyshuari në gjendje të dehur kishte ushtruar dhunë psikike ndaj bashkëshortes së tij.
Në raportin ditor të policisë, përmendet edhe se burri i kishte kërkuar gruas së tij që të largohej nga shtëpia.
Uniformat blu kishin arrestuar të dyshuarin dhe e kishin dërguar në stacion policor. Aty më pas është njoftuar edhe prokurori kujdestar për ngjarjen që kishte ndodhur.
Prokurori ka marrë vendim që i dyshuari të dërgohet në mbajtje për 48 orë.
Rasti është iniciuar si dhunë në familje.