Foto: Policia e Kosovës
Arrestohet 25-vjeçari për kanosje dhe armëmbajtje pa leje, rezulton se ishte i kërkuar nga Gjykata
Zyrtarët e Policisë së Kosovës kanë arritur që të arrestojnë sot në mesditë një 25-vjeçar nga Prishtina nën dyshimin për kanosje përmes telefonit dhe rrjeteve sociale.
I dyshuari është arrestuar sot rreth orës 11:00 dhe i pas verifikimit ai ka rezultuar se kërkohej me urdhëresë të gjykatës për një dënim me 3 vite burg.
Policia ka thënë se kjo urdhëresë do të realizohet në koordinim me prokurorin dhe institucionet e tjera kompetente.
Policët e stacionit Qendra në Prishtinë menjëherë pas raportimit kanë filluar trajtimin e informacioneve si dhe ka ndërmarrë veprimet e nevojshme operativo-hetimore.
Personi i dyshuar pas intervistimit me urdhër të prokurorit të shtetit është dërguar në mbajtje përderisa tek ai janë gjetur dhe sekuestruar një armë zjarri dhe një thikë.
Për këtë rast, 25-vjeçari dyshohet për kryerje të veprave – kanosje dhe armëmbajtje pa leje.