Arrestohet 18-vjeçari në Obiliq, dyshohet për vjedhje të disa pajisjeve pune
09.12.2022 - 23:46
Një vjedhje e rëndë në Obiliq është raportuar në Policinë e Kosovës në fillim të muajit dhjetor.
Sipas Policisë, dy personat dyshohen se kanë vjedhur disa pajisje pune, përderisa njëri nga ta tashmë është arrestuar nga forcat e rendit.
Në njoftim është bërë e ditur se i dyshuari D.G., është i moshës 18-vjeçare.
“Puna e hetuesve të stacionit policor të Obiliqit, pas marrjes së disa veprimeve operative ka rezultuar me arrestimin e njërit nga personat e dyshuar, si dhe gjetjen e sekuestrimin e mjeteve të cilat janë raportuar të vjedhura”- njofton Policia.
Më tej, Policia thotë se 18 vjeçari është dërguar në mbajtje, teksa njësitet policore janë në kërkim të personit të dytë të dyshuar, i cili është identifikuar nga ana e hetuesve.