Arrestohen shtetasit serb për kontrabandë me pemë e perime në Leposaviq
02.4.2020 - 12:00
Dy burra janë arrestuar dje për kalim ilegal të kufirit dhe kontrabandim me mallra në Leposaviq.
Policia njofton se të dyshuarit janë qenë shtetas të Serbisë.
Në automjetin e tyre, ata kishin ngarkuar 3.5 ton pemë dhe perime të ndryshme, duke hyrë ilegalisht në Kosovë.
Pas intervistimit, ndaj tyre janë ndërmarrë veprimet policore sipas udhëzimeve të prokurorit.