Arrestohen dy të dyshuarit që kërkoheshin për tentim vrasje në Pejë

Dy persona janë arrestuar sot, më 01.08.2024, nga Policia e Kosovës në Pejë.

Të arrestuarit kanë qenë në kërkim të Policisë që nga 13.07.2024 pasi dyshohen për tentim vrasje të rëndë.

Policia në datën e lartcekur kishte kërkuar ndihmë nga qytetarët për të lokalizuar vendin ku ndodheshin Adem dhe Besnik Bulliqi nga Peja.

Në rastin për të cilin ata dyshohen, që kishte ndodhur më 12.07.2024 rreth orёs 19:20, nё rrugën “Jeton Dedushaj”, kishte mbet i plagosur rëndë një person.

Arrestimi i të dyshuarve është konfirmuar edhe nga Prokuroria Themelore në Pejë, e cila ka thënë se dy të arrestuarit janë ndaluar për 48 orë.

Policia kërkon ndihmë për arrestimin e këtyre dy personave