Arrestohen dy persona të dyshuar për fajde në Prishtinë, Policia në kërkim të dyshuarit të tretë

Policia e Kosovës ka arrestuar dy persona të dyshuar për fajde në Prishtinë ndërsa ka njoftuar se është në kërkim të personit të tretë të dyshuar, i cili ndodhet në arrati.

Dy personat e arrestuar janë A.F, 38 vjeç, dhe-E.F, 19 vjeç. Të njëjtit me vendim të prokurorit të shtetit janë dërguar në mbajtje për 48 orë.

Përmes një njoftimi, Policia ka bërë të ditur se më 09.10.2024 është pranuar informacion për një rast të fajdesë dhe menjëherë policia ka filluar trajtimin e informacioneve si dhe ka ndërmarrë verimet e nevojshme operativo-hetimore në përpjekje për të ndriçuar dhe sqaruar të gjitha rrethanat që e kanë karakterizuar rastin.

Sipas komunikatës, zyrtarët e Njësitit të  Hetimeve të Përgjithshme të Prishtinës, kanë identifikuar tre persona të dyshuar lidhur me rastin,  dy prej të cilëve janë arrestuar dhe intervistuar më 09.11.2024.