Arrestohen dy persona në Ferizaj për armëmbajtje pa leje

Dy persona janë arrestuar nga Policia e Kosovës të hënën më 04.11.2024 në Ferizaj, për armëbajtje pa leje.

Sipas Policisë, gjatë patrullimit në rrugën “Zenel Hajdini” në Ferizaj, janë ndaluar katër persona dhe gjatë kontrollimit të tyre, tek personi me inicialet L. B. 32 vjeçar Policia ka gjetur një karikator të pistoletës dhe një boks hekuri.

Më pas, nën autorizimin e prokurorit, është bastisur shtëpia e të dyshuarit por nuk është gjetur asgjë, mirëpo sipas Policisë, i njëjti ka pranuar se armën e zjarrit e kishte personi tjetër me inicialet D. B. i moshës 33 vjeçare, armë të cilën Policia e ka gjetur.

Të dyshuarit janë shoqëruar në stacionin e Policisë në Ferizaj dhe pas intervistimit nga policët hetues,  me vendim të prokurorit të shtetit , dy të dyshuarit janë ndaluar në mbajtje për 48 orë, për procedura të mëtejme  hetimore, ndërsa si prova materiale janë sekuestruar arma e zjarrit dhe boksi i hekurit.