ILUSTRIM: Arrestimi i një të dyshuari- Policia e Kosovës
Arrestohen 4 të kërkuar për uzurpim pronash, grabitje e legalizim të përmbajtjes së rreme
Në 24 orët e fundit, Policia e Rajonit të Pejës ka arrestuar katër persona të dyshuar ndaj të cilëve kishte edhe letër-rreshtim nga Gjykata e Pejës.
Dy nga të kërkuarit sipas Policisë janë arrestuar në aeroportin “Adem Jashari” ndërsa dy të tjerë në pikën kufitare në Merdarë.
P.I., 43 vjeçar është arrestuar dhe ishte i kërkuar për dy grabitje dhe një vjedhje.
“I njëjti është sjell nga aeroporti nga një patrullë NJRSH. Personi i kërkuar është ndaluar në mbajtje, për t’u paraqitur nesër para Gjykatës Themelore Pejë”, thuhet në njoftimin e Policisë së Pejës.
R.A., 29 vjeçar është arrestuar në Aeroportin Ndërkombëtar “Adem Jashari”. Gjyqtari i çështjes ka urdhëruar që të dyshuarit t’i konfiskohet pasaporta dhe të lirohet, ndërsa gjatë ditës së djeshme ishte paraqitur në Gjykatën e Pejës.
B.M., 38 vjeçar po kërkohej nga Policia për shkak të urdhër-arrestit në lidhje me veprën penale uzurpim i paligjshëm i pronës së paluajtshme. I njëjti është arrestuar dje rreth orës 14:00 në pikën kufitare në Merdarë. Të njëjtit i është konfiskuar pasaporta.
I.G., 53 vjeçar po kërkohej për legalizim të përmbajtjes së rreme. I njëjti është arrestuar në pikën kufitare në Merdarë me urdhër-arrest nga Gjykata e Mitrovicës. I njëjti është dërguar në mbajtje për 48 orë.