Ilustrim

Arrestime për ryshfet në Gjykatë dhe Prokurori të Prishtinës

Katër persona të dyshuar për marrje e dhënie të ryshfetit janë arrestuar në Pallatin e Drejtësisë.

Prokuroria ka njoftuar se dy prej të arrestuarve për marrje të ryshfetit janë zyrtarë, njëri në Gjykatë dhe tjetri në Prokurori.

“Me urdhër të Prokurorisë Themelore në Prishtinë janë arrestuar katër persona për veprat penale “Marrje ryshfeti” dhe “Dhënie të ryshfetit”. Dy të arrestuarit janë, personi me inicialet F. K., punonjës i Prokurorisë Themelore në Prishtinë, dhe personi me inicialet I. I. punonjës i Gjykatës Themelore në Prishtinë. Prokuroria njofton se të njëjtit janë të dyshuar për veprën penale Marrje ryshfeti”, thuhet në njoftim.

Po ashtu, Prokuroria njofton se janë arrestuar edhe dy persona tjerë me inicialet B. P. dhe I. S. të dyshuar për veprën penale “Dhënie të ryshfetit”.

Me urdhër të prokurorit të njëjtit janë ndaluar dhe janë duke u intervistuar në Polici.