Arrestime për fajde në Prizren - FOTO

Tre persona janë arrestuar nën dyshimin se kanë kryer veprën penale “Fajde”, gjatë një operacioni në Prizren.

Dyshimet janë se të dyshuarit përfituan dhjetëra, mijëra euro duke kryer veprën penale të lartcekur.

Aksioni është kryer nga ana e Njësisë Speciale Operative e Policisë së Kosovës me urdhër të Prokurorisë Themelore në Prizren.

Pas arrestimeve, hetuesit kanë filluar të kryejnë bastisje në shtëpitë e të dyshuarve.

KALLXO.com ka qenë në vendin e ngjarjes gjatë arrestimeve si dhe gjatë bastisjeve, teksa veprimet hetimore në këtë rast do të vazhdojnë tutje.