Arratisja e dy të miturve nga Lipjani, suspendohen dy  gardianë

Dy të mitur të cilët ishin duke vuajtur dënimin për grabitje dhe lëndim të rëndë trupor, janë arratisur nga Burgu i Lipjanit dje.

Në lidhje me këtë rast, Shërbimi Korrektues i Kosovës ka suspenduar dy  gardianë.

“Shërbimi Korrektues i Kosovës njofton opinionin publik se për shkak të arratisjes së mbrëmshme të dy të miturve nga Qendra Korrektuese Lipjan, ka suspenduar dy zyrtarë korrektues”, thuhet në njoftimin e SHKK-së.

Deri te suspendimi sipas SHKK-së ka ardhur pas dyshimit gardianët korrektues gjatë kryerjes së detyrës zyrtare  kanë shkelur procedurat e sigurisë institucionale.

“Lidhur me rastin, Shërbimi Korrektues i Kosovës ka iniciuar procedure disiplinore dhe ka caktuar Komisionin Hetimor të Brendshëm, i  cili do të hetojë rastin në tersi”, thuhet tutje në njoftim.

  1. S., 19 vjeçar dhe A. K., 17 vjeçar, janë arratisur mbrëmë nga Qendra Korrektuese Lipjan rreth orës 17:35.

Shërbimi Korrektues i Kosovës ka njoftuar se R. S. është i dënuar një vit burgim për veprën penale, grabitje ndërsa A. K. për veprën penale, lëndim i rëndë trupor.

Dy të burgosur ikin nga burgu i Lipjanit