Armëmbajtje pa leje, arrestohet një i dyshuar në Zveçan

Policia e Kosovës ka arrestuar një person në fshatin Grabovc të Zveçanit nën dyshimin se posedonte dy pushkë pa leje.

Njësitë policore kanë bërë kontrollin e shtëpisë së të dyshuarit ku kanë gjetur dhe sekuestruar një pushkë gjuetie me pesë fishekë si dhe një pushkë tjetër me gjashtë fishekë, njofton Policia, më 25.10.2024.

Rasti ka ndodhur më 24.10.2024 në orën 15:00h.

Pas përfundimit të kontrollit të shtëpisë, i dyshuari është arrestuar.

Pas intervistimit me vendim të prokurorit, ai është liruar në procedurë të rregullt.

Rasti është klasifikuar si vepër penale “armëmbajtje pa leje”.