Rektorati. Foto: Urim Krasniqi/KALLXO.com
Arbëresha Nela - Turjaka emërohet kryesuese e Këshillit Drejtues të UP-së
Këshilli Drejtues i Universitetit të Prishtinës “Hasan Prishtina”, në mbledhjen e sotme e ka emëruar si kryesuese Arbëresha Nela – Turjaka dhe zëvendëskryesues Altin Sahitin.
Këtë e kanë konfirmuar për KALLXO.com burime brenda Këshillit Drejtues.
Kjo mbledhje e Këshillit Drejtues të UP-së erdhi pasi ministrja e Arsimit, Arbërie Nagavci, ia riktheu funksionalitetin me emërimin e katër anëtarëve në këtë Këshill.
KALLXO.com kishte raportuar në muajin korrik se ky Këshill kishte mbetur jo funksional dhe mbledhja e fundit ishte mbajtur në muajin maj.
Këshilli Drejtues i Universitetit është organi kryesor qeverisës i Universitetit.
Këshilli Drejtues përbëhet nga nëntë anëtarë me të drejtë vote. Ministria e Arsimit, Shkencës dhe Teknologjisë emëron katër anëtarë me të drejtë vote dhe ata emërohen sipas dispozitave të Ligjit mbi Arsimin e Lartë, ndërsa Senati zgjedh pesë anëtarë të Këshillit Drejtues me të drejtë vote nga personeli akademik i Universitetit.
UP-ja mbetet pa Këshill Drejtues