Jusuf Ulaj (djathtas) dhe Mirsad Shkreta.

Apeli i mjekut nga VV: Qeveria u bë për pazare, bëhuni mjekë të vetvetes

Neuropsikiatri Jusuf Ulaj ka reaguar pas situatës së krijuar nga COVID-19 në vend, e për të cilën ka apeluar të qytetarët që të bëhen mjek i vetvetes.

Ulaj është anëtar i Lëvizjes Vetëvendosje.

Ai përmes një postimi në Facebook ka thënë se pas rrëzimit të Qeverisë Kurti, ekzekutivi i ri ka ardhur për pazare dhe halle të veta, jo për qytetarë.

“Ka disa ditë qe nuk kam shkruar. O me shkrue o me plasë. Na patën lodhur çdo natë në ekrane TV me “shkelje të rënda kUshtetuse”, politikan e media – “shkelje” që kufizonin “lëvizjen e lirë” me qëllim shpëtimin e jetës së qytetarëve. Vazhdojnë të bllokojnë procedimin e ligjit për luftimin e pandemisë, përderisa pandemia ka dalur nga kontrolli dhe njerëzit e infektuar dhe të vdekur po shtohen në mënyrë eksponenciale dita – ditës. Ku janë analistët, opinionistët e shitur, shoqëria civile? Apo jeni të nxënë me emërimet e zv.kryeminstrave e zv.ministrave. Dilni nga kafehônet dhe bëni analiza! Na thanë se rrëzimi i shpejtë i qeverisë Kurti kishte dy qëllime: luftimin e pandemisë dhe bisedimet me Serbinë. Ja ku jemi. I shihni numrat (edhe ashtu jo të saktë me testime minimale dhe të kontrolluara nga lartë).

Populli im i vuajtur, mos ndëgjoni injorant të shumtë qe kemi në mesin tonë e tallava këngëtarë! Qeveria ka ardhur për pazare dhe halle të veta, jo për qytetarë – bëhuni mjek të vetvetës! RUAJUNI VET! Mos u bëni për spital sepse do të jetë vonë për ju dhe të dashurit tuaj! Ky virus VRET”, ka shkruar Ulaj, të dielën.