Anulohet një pjesë e konkursit në Trepçë
Ndërmarrja “Trepça” ka anuluar konkursin për pranimin e punëtorëve të rinj në Stantërg dhe Artanë.
Në vendimin e kësaj ndërmarrjeje njoftohet për anulimin e 38 pozitave të ndryshme të konkursit.
Ky konkurs ishte shpallur më 24 shtator të vitit 2019-të, dhe ishin kërkuar 220 punëtorë në pozita të ndryshme.
Ky anulim i një pjese të konkursit vjen pas protestave në shenjë pakënaqësie për mënyrën e përzgjedhjes së kandidatëve në fazën e parë.
KALLXO.com ka kontaktuar Arsim Musën, përfaqësuesi i protestuesve, i cili ka konfirmuar që protestat nuk do të ndalen, ndërsa anulimin e konkursit për 38 pozita ai e ka konsideruar ‘hi syve’.
“Ne jemi edhe sot duke protestuar, kërkojmë komplet anulimin e konkursit të manipuliuar dhe të familjarizuar. Ne do të vazhdojmë me prostesta deri në realizimin e kërkesave tona për shkak të parregullsive që janë bërë ndaj neve”, tha ai.
Qeveria Emëron Kundërligjshëm Anëtarë të Bordit të ‘Trepçës’
