Anulohet mbledhja e Kryesisë së Kuvendit, sekretari i Kuvendit i infektuar me COVID-19

Kuvendi i Kosovës ka njoftuar se mbledhja e Kryesisë, e paraparë për nesër në ora 11:00, është shtyrë për një ditë tjetër.

Drejtoria për Media njofton se opinioni do të informohet me kohë për ditën e mbajtjes së mbledhjes së Kryesisë.

E njëjta nuk ka njoftuar arsyen e shtyrjes, por sekretari i Kuvendit të Kosovës, Ismet Krasniqi, ka njoftuar për media se ai ka rezultuar pozitiv me COVID-19.

Deputeti dhe shefi i grupit parlamentar të LDK-së, Arben Gashi, ka njoftuar sot se ai dhe familja e tij kanë rezultuar pozitivë me COVID-19.