Zhelko Komshiq - Foto: REL / Media Center Beograd
Anëtari i presidencës së Bosnjës në vetizolim
22.6.2020 - 19:46
Anëtari i presidencës trepalëshe të Bosnje dhe Hercegovinës, Zhelko Komshiq është në vetizolim për shkak të kontaktit me një person të infektuar me koronavirus.
Lajmi është konfirmuar për Radio Evropën e Lirë nga zyra e Komshiqit.
Në përgjigje thuhet se anëtari i presidencës trepalëshe të Bosnjës, do të testohet për virusin SARS-COV-2 të martën (23 qershor).
Më 19 qershor, Komshiq vizitoi një qytet në verilindje të Bosnjës. Në një organizim në qytetin Zivinice, ishte i pranishëm edhe kryetari i Këshillit të Qytetit, Nail Jushiq, i cili është i infektuar me coronavirusin e ri.
Komshiq ishte në izolim për 14 ditë në muajin mars, pasi u kthye nga një udhëtim pune në Kanada./REL