Anëtari i LVV në Deçan: Helmimi i qytetarëve, institucionet nuk reaguan me kohë

Anëtari i Lëvizjes Vetëvendosje në Deçan, Faton Selmanaj, ka akuzuar për neglizhencë përfaqësuesit e institucioneve shëndetësore për situatën e krijuar në komunën e Deçanit pas helmimit të mbi 1,500 qytetarëve që dyshohet se ka ndodhur nga konsumimi i ujit.

Selmanaj ka shkruar në Facebook se shqetësimet e banorëve të disa fshatrave të Deçanit kanë qenë që nga fillimi i qershorit të këtij viti.

Ai ka shtuar se për këto raste ka provuar të njoftojë institucionet përgjegjegjëse që nga ajo kohë, por sipas tij nuk janë lajmëruar.

“Muajin e kaluar, datë 3 Qershor, jam kontaktuar nga disa shokë e aktivist, nga disa fshtra të Komunes së Deçanit: Broliq, Dubovik, Prapaqan, Kryshec(Komuna e Pejës) etj, por që furnizohet me uj të pijes nga Komuna e Deçanit. Shqetësimi i tyre ka qenë i ngjashëm, helmimi nga uji i pijes, poashtu simtomat e banorëve kan qenë të ngjashme, me këto të helmimeve të tashme. Kanë kërkuar ndihmë. Fillimisht jam përpjekur të kontaktoj Institutin e Shëndetësisë Publike, por ka qenë e pamundur, nuk është lajmëruar askush”, ka shkruar ai mes tjerash në Facebook.

Sot drejtori i Qendrës Kryesore e Mjekësisë Familjare në Deçan, Selmon Berisha, ka bërë të ditur se numri i pacientëve që dyshohet se janë helmuar nga uji, ka arritur në 1,500.

“Numri i pacientëve deri më tani mund të them se është diku 1500 prej ditës që ka fillu” ka thënë Berisha të martën gjatë një konference për media. Sipas Berishës, 99 për qind e qytetarëve që kanë kërkuar ndihmë, kanë marrë shërbimet adekuate në këtë qendër mjekësore.

Kurse, Naser Ramadani, Drejtori i Institutit Kombëtar të Shëndetit Publik të Kosovës (IKShPK) ka thënë se deri më tani rezultatet laboratorike nuk thonë se ka helmim uji.

Më poshtë e gjeni të plotë publikimin e Faton Selmanaj në Facebook:

Për korrektësi, rreth të pavërtetës qe than Drejtorit të QKMF-së në Deçan dhe Drejtorit të Institutit Kombëtar të Shëndetit Publik,

Muajin e kaluar, datë 3 Qershor, jam kontaktuar nga disa shokë e aktivist, nga disa fshtra të Komunes së Deçanit: Broliq, Dubovik, Prapaqan, Kryshec(Komuna e Pejës) etj, por që furnizohet me uj të pijes nga Komuna e Deçanit. Shqetësimi i tyre ka qenë i ngjashëm, helmimi nga uji i pijes, poashtu simtomat e banorëve kan qenë të ngjashme, me këto të helmimeve të tashme. Kan kërkuar ndihmë.

Fillimisht jam përpjekur të kontaktoj Institutin e Shëndetësisë Publike, por ka qenë e pamundur, nuk është lajmëruar askush. Problemi i parë.

Më vonë, kam kontaktu në Ministri të Shëndetsisë, pata sygjerim që të kontaktoj Institutin e Shëndetsisë në Pejë, prap nuk është lajmruar askush, pavarësisht përpjekjeve të shumëta. Problemi i dytë.

Në momentin që ka qindra raste me simtoma të njejta Drejtori i QKMF-së është dashur me urgjencë të ftoj Insitutin për analiza, e Drejtori i Institutit të veproj me urgjencë. Nuk ka ndodhur.

Drejtorat e dijnë këtë punë më mirë se une, nuk është e njejtë me u bo analizat ne diten e parë të dyshimit, si pas tre ditësh, apo si sot ne ora 14:00 si sot në ora 18:00. Në konferencën e sotme në Deçan, nuk e than të vërtetën asnjëri.

Përgjegjësit për këtë situatë kan adresë, emër dhe mbiemer: Drejtuesit e Kompanisë Hidrodrini, Drejtori i Institutit Kombëtar të Shëndetit Publik, Drejtorësha e Insititutit në Pejë dhe Komuna e Deçanit(për mos mbikqyrjen dhe kontrollin e duhur)

Zero kompromis, me këdo që rrezikon shëndetin dhe jetën e qytetarëve!