Ambasadori i SHBA-së përfundon takimin me kryetarin e Zubin Potokut dhe Zveçanit - VIDEO

Ambasadori i Shteteve të Bashkuara të Amerikës në Kosovë, Jeffrey M. Hovenier ka përfunduar takimin  me Izmir Zeqirin, kryetarin e Zubin Potokut dhe Ilir Pecin, kryetarin e zgjedhur të Zveçanit.

Ambasadori nuk është deklaruar për media pas takimit.

Hovenier në takim i ka ftuar katër kryetarët e komunave veriore por deri më tani vetëm kryetari i Zveçanit dhe i Zubin Potokut iu kanë përgjigjur ftesës.

Në një deklarim për KALLXO.com, kryetari i Mitrovicës së Veriut tha se do të ketë një takim së shpejti.

“Do të takohemi së shpejti. Me shumë kënaqësi. Presim mbështetje dhe bashkëpunim” – tha Atiq.

KALLXO.com ka provuar të kontaktojë edhe me Lulzim Hetemi, kryetar i zgjedhur i Leposaviqit, por i njëjti nuk ka qenë i qasshëm në telefon.

Situata në veri – Pamje