Ambasadori i Kosovës në Shqipëri infektohet me COVID-19
25.11.2020 - 23:50
Ambasadori i Republikës së Kosovës në Shqipëri, Nait Hasani, është infektuar me COVID-19.
Këtë e ka konfirmuar vetë Hasani përmes një postimi në profilin e tij në Facebook.
“Pas testimit për COVID 19, rezultova pozitiv, me simptoma të lehta. Në përputhje me protokollin shëndetësor të IKSHPK- së, kam filluar trajtimin mjekësor në kushtet e karantinimit. Gjej rastin të ju bëj thirrje të respektoni maksimalisht, këshillat e autoriteteve shëndetësore”, ka shkruar Hasani në profilin e tij në Facebook.
