Ambasadori i Gjermanisë në Kosovë, Christian Heldt
Gjermanët përshëndesin vendimin e Albin Kurtit për tarifën
Ambasadori i Gjermanisë në Kosovë, Christian Heldt e ka mirëpritur paralajmërimin e kryeministrit Albin Kurti që nga data 15 mars të heq tarifën 100 për qind për lëndën e parë të importuar nga Serbia.
Heldt mes tjerash ka këkruar të rinisë dialogu mes Kosovës dhe Serbisë.
“Hapi i rëndësishëm dhe inkurjues nga Kryeministri Albin Kurti pas vetëm disa javësh në detyrë. Tani duhet çuar përpara një proces konstruktiv në heqjen e pengesave të tregtisë dhe lëvizjes së lirë midis Kosovës dhe Serbisë. Dhe rinisja e dialogut që çon në normalizim të plotë”, ka shkruar ambasadori në Twitter.
Paralajmërimet e Kurtit lidhur me tarifën i ka kundërshtuar i dërguari i presidentit Trump për dialogun Kosovë-Serbi, Richard Grenell, i cili ka këkruar që tarifa të hiqet tërësisht, ndërkaq Bashkimi Evropian e ka përshëndetur veprimin e Kurtit.
Important and courageous step by PM @albinkurti after just a few weeks in office.Should now lead to a constructive process lifting barriers 4 trade and free movement between both #Kosovo and Serbia. And reengage in a dialogue leading to full normalization. https://t.co/NNJpWbH71X
— Ambassador Christian Heldt (@GermanAmbKOS) February 29, 2020