Ambasadori gjerman kërkon formim të shpejtë të qeverisë

Ambasadori i Gjermanisë në Kosovë, Christian Heldt, nëpërmjet një postimi në Twitter ka shpërndarë një postim të zyrës së BE-së në Kosovë, e cila mirëpriti konstituimin e Kuvendit të Kosovës.

Diplomati gjerman Heldt tha se populli i Kosovës ka folur më 6 tetor.

“Shpejt, po ju lutem! Bota vazhdon të lëvizë dhe partnerët gjithashtu presin të fillojnë përsëri punën. Populli i Kosovës e bëri punën e vet më 6 tetor”, ka shkruar Ambasadori gjerman në Prishtinë.

Swift, yes please! The world keeps on turning and partners are also waiting to take up work again. People of Kosovo did their part on October 6. https://t.co/dSCT0N4RVN
— Ambassador Christian Heldt (@GermanAmbKOS) December 27, 2019

Sot gjatë ditës, Zyra e Bashkimit Evropian në Kosovë, mirëpriti zgjedhjen e kryetarit të Kuvendit të Kosovës dhe nënkryetarëve.

“Ne mirëpresim konsituimin e Kuvendit të Kosovës dhe urojmë Kryetarin dhe Kryesinë e Kuvendit të sapo zgjedhur”, thuhej në komunikatën për media të Zyrës së BE-së në Kosovë.

BE mirëpret konstituimin e Kuvendit, kërkon formimin e shpejtë të qeverisë