Albin Kurti e zëvendëson Arben Vitinë me mjekun shqiptar nga Amerika
16.11.2021 - 12:14
Kryeministri i Kosovës, Albin Kurti, ka prezantuar ministrin e ri të Shëndetësisë, Rifat Latifin.
Përmes një konference për media, Kurti ka thënë se sot ka nënshkruar vendimin për emërimin e Latifit.
“Porsa kam nënshkruar vendimin për ministrin e ri të Shëndetësisë, ai erdhi para pak ditësh”.
Sipas Kurtit, Latifi ka punuar në vazhdimësi për promovimin e shëndetësisë në Kosovë.
“Për angazhimin e tij është nderuar me shumë çmime, është autor i mbi 300 punimeve. Është kryetar dhe themelues i kolegjit të kirugëve të Kosovës”, tha Kurti në konferencë për media.