Albin Kurti dhe Nenad Rashiq mbajnë konferencë të përbashkët për media
Kryeministri në detyrë, Albin Kurti ka paralajmëruar konferencë për media sot në ora 13:30 në oborrin e qeverisë.
Sipas njoftimit të ZKM, Kurti këtë konferencë do ta mbajë bashkë me Nenad Rashiq, Këshilltar Politik i Kryeministrit në detyrë dhe njëkohësisht udhëheqës i Zyrës për Çështje të Komuniteteve, do të mbajnë konferencë për medie.
Prokuroria Speciale e Kosovës më 10 prill ngriti aktakuzë ndaj 4 ish-ministrave të qeverisë Thaçi 2 për faljen e katër hidrocentraleve gjatë privatizimit të distribucionit të KEK-ut.
Njëri nga të akuzuarit është edhe Nenad Rashiq, këshilltari i kryeministrit në detyrë, Albin Kurtit.
“Nuk mund të paramendoj vetën, të qëndroj dhe të jem pjesë e parlamentit ose qeverisë e të kem aktakuzë. Kështu që nuk besoj”, kishte deklaruar Nenad Rashiq në një intervistë për KALLXO.com para zgjedhjeve të 6 tetorit të 2019.
“Nuk është mirë ajo çka ka ndodhë, sepse është një proces ku kryesisht kreu nuk është akuzuar dhe janë akuzuar diçka një numër i konsiderueshëm i zyrtarëve, diçka që është shprehi e shtetit të kapur por mua më ka ardhur keq kur kam marrë vesh këtë lajm nuk e kam ditë. Por do ta takoj kreun e zyrës për komunitete në Zyrën e Kryeministrit dhe do ta shohim se cila është rruga më e mirë për të ardhur në konkluzionin e njëjtë që ta bëjmë ndryshimin. A është shkarkimi apo dorëheqja un kam shumë respekt për të po e them të drejtën. Pavarësisht aktakuzës mendimi im për z Nenad Rashiq nuk ndryshon ama e kuptoj që ka ndryshu situata dhe do të ndryshoj pozita, por më lejoni që ta takoj sepse prej kur është publikuar nuk e kam takuar”, ka thënë Kurti deri sa ishte i ftuar në Debat Plus në Televizionin Dukagjini.