Gjykimi i Edita Dulës
Aktorja kosovare del para gjykatës, akuzohet për përvetësim parash
Edita Dula, aktore kosovare, ka dalur dje para gjykatës si e akuzuar për përvetësim parash.
Ajo po akuzohet për përvetësimin e afro 1 mijë e 500 eurosh nga OJQ-ja të cilën e drejtonte.
Dula akuzohet nga prokuroria edhe për keqpërdorim të besimit.
Lidhur me këto akuza, Dula është deklaruar se është e pafajshme.
Sipas prokurorisë, Dula, gjatë viteve 2016-2017 deri sa ishte drejtoreshë e OJQ-së ‘Nëna dhe fëmijë të lumtur’ kishte përvetësuar shumën prej 1 mijë e 488 euro e 90 cent duke i tërhequr nga xhirollogaria e OJQ-së për nevoja personale.
Gjithnjë sipas aktakuzës, e njëjta kishte përvetsuar edhe vitrat në shumë prej 400 euro që njerëzit e vullnetit të mirë i kishin lënë për festën e Fitër Bajramit.
Poashtu sipas prokurorisë e akuzuara duke keqpërdorur besimin që e kishte në cilësinë e drejtoreshës kishte shitur gjësendet të cilat njerëzit i kishin dërguar në OJQ-në ‘ Nëna dhe fëmijë të lumtur’ dhe paratë i ka marrë për vete.
Mirëpo e akuzara sot në gjykatë i’u përgjigj pikave të aktakuzës duke e paraqitur mbrojtjen e saj
Për pikën e parë të aktakuzës për përvetësimin e parave Dula u deklarua se ndihet e pafajshme.
‘’Unë jam drejtore ekzekutive në OJQ ‘Nëna dhe fëmijë të lumtur”, dhe e ndjej vetën plotësisht të pafajshme”, tha ajo.
Ajo shtoi se ka qenë person i autorizuar për menaxhimin e xhirollogarisë së OJQ-së dhe “s’ka pasur obligim t’i raportojë askujt”.
Tutje ajo tregoi se OJQ-ja donacionet i ka siguaruar nga njerëzit e vullnetit të mirë që kanë kontribuar si dhe’ përmes aktiviteteve të organizatës.
E pyetur nga avokati Asdren Hoxha se pse i ka tërhequr të hollat, e akuzuara tha se ka blerë gjësende për skamnorët dhe ka bërë pagesa të tjera që sipas saj i ka regjistruar.
‘Kam bërë tërheqjen e mjeteve-parave nga xhirollogarja bankare e OJQ për ushqimin e familjeve skamnore, për t’ju blerë rrobalarëse, për pagesat e shërbimeve komunale, shpenzimet e organizatës dhe të gjitha i kam evidentuar në librin e kontabilitetit të organizatës”, tha ajo.
Ndërsa lidhur me pikën e dytë të akuzës për keqpërdorimin e besimit që i ishte dhënë si drejtoreshë e organizatës, Dula u përgjigj duke iu referuar statutit të organizatës.
‘’Në bazë të statutit të organizatës kemi qenë të lejuar të ndërrmarim aktivitete për të mirën e organizatës, këtu është përfshirë edhe shitja veshmbathjeve pastaj me paratë e fituara kemi blerë ushqime, ilaqe për njerëzit në nevojë’’, tha ajo.
Ndërsa sipas saj, për gjërat e mëdhaja i kanë udhëzuar familjet që të shkojnë te donatorët t’i marrin vetë personalisht.
Lidhur me paratë e vitrave, e akuzuara deklaroi se gjithmonë për festat fetare janë mbajtur evidenca për donacionin dhe destinimin e donacionit.
’Për këtë kanë dëshmuar edhe përfituesit e vitrave si dëshmitarë’’ tha e akuzuara.
E pyetur nga trupi gjykues se a duhet të ketë auditor në këtë organizatë, e akuzuara deklaroi “nuk e di, askush nuk ka audituar”.
Në gjykatë, aktorja u pyet edhe për donacione të tjera që organizata kishte përfituar.
E akuzuara Edita Dula e përfundoi mbrojtjen e saj para gjykatës duke thënë se ‘’Deri sa ta kem shëndetin ka me vazhdu me punu në këtë drejtim bile do të shkojë edhe në Afrikë për të punu’’.
Seanca e radhës në të cilën do të përfundojë ky proces gjyqësor u caktua për datën 1 tetor.