Aksioni i Policisë në kazino në qendër të Mitrovicës
Në emisionin “Kallxo Pernime” po shfaqen pamjet e mbylljes së një kazinoje në qytetin e Mitrovicës.
Policia kishte ndërhyrë pas raportimit të qytetarëve në KALLX.com.
Lokali në Mitrovicë kishte dy hyrje.
Gjatë aksionit Policia nuk kishte lejuar kamerat të futen brenda ne kazino.
Hulumtuesit e KALLXO.com kishin ndarë pamjet me Policinë e Kosovës në Mitrovicë dhe pas një kohe Policia kishte ndërhyrë.
Informacioni kishte rezultuar i vërtet pasi që në lokalin në qendër të Mitrovicës janë gjetur 6 aparate të bixhozit por Policia nuk ka hasur në persona të dyshuar.
Pamjet e shfaqura gjatë emisionit ‘Kallxo Pernime’ edhe një herë kanë nxjerrë në pah se biznesi i kazinove është duke operuar në qytetet e Kosovës edhe pse një gjë e tillë është e ndaluar me ligj.
Detajet se si u zhvillua raportimi dhe ndarja e informacionit me Policinë e Kosovës nga hulumtuesit e KALLXO.com mund t’i ndiqni ne linkun e mëposhtëm.
www.kallxo.com