Ilustrim
Aksion policor kundër kontrabandës së armëve në Pejë
29.9.2020 - 09:31
Disa armë janë konfiskuar në një aksion policor i cili ka nisur mëngjesin e sotëm në rajonin e Pejës.
Grupe të organizuara kriminale të cilët dyshohen se po kontrabandojnë armë kanë qenë cak i një aksioni të gjerë policor të ditës së sotme në rajonin e Pejës.
Burime të KALLXO.com kanë thënë se aksioni ka nisur që nga orët e mëngjesit dhe ende është duke vazhduar.
Sipas burimeve, aksioni policor po zhvillohet nga Drejtoria Kundër Krimit të Organizuar të Policisë së Kosovës.