Aksion i policisë shqiptare në Tiranë kundër prostitucionit

Policia e Shtetit e Shqipërisë ka njoftuar se se e ka finalizuar  një operacion për goditjen e veprimtarisë kriminale në fushën e shfrytëzimit të prostitucionit.

Policia thekson se ka goditur dy raste të shfrytëzimit për prostitucion dhe të mbajtjes së lokaleve për prostitucion.

Më këtë rast sipas njoftimit janë arrestuar dy administratorët e dy qendrave masazhi, për shfrytëzim për prostitucion dhe për mbajtje të qendrave të masazheve për shfrytëzim prostitucioni.

“Seksioni për Hetimin e Trafiqeve të Paligjshme në Drejtorinë Vendore të Policisë Tiranë, pasi kishin siguruar të dhëna në rrugë operative se disa shtetase shfrytëzoheshin për prostitucion nga dy administratorë qendrash masazhesh, kanë organizuar punën duke bërë dokumentimin e veprimtarisë kriminale të këtyre shtetasve”, thuhet në njoftim.

Tutje policia ka dhënë deatje se në bazë të provave të grumbulluara u organizua dhe finalizua operacioni policor i koduar “Extra Service”, në kuadër të të cilit u kapën dhe u vunë në pranga shtetasit: M.R., 26 vjeç dhe A.R., 29 vjeç (vellezër), të dy banues në Tiranë.

Nga hetimet e kryera ka rezultuar se këta dy shtetas në bashkëpunim me njëri-tjetrin rekrutonin femra nëpërmjet rrjeteve sociale me pretendimin për ti punësuar si masazhatore për të kryer masazhe relaksuese për klientët e këtyre qendrave.

“Pasi i rekrutonin paraprakisht dhe i punësonin këto femra këta shtetas i detyronin këto punonjëse (duke përfshirë edhe punonjëse të mitura) që përveç masazhit tu ofronin klinetëve edhe shërbime seksuale brenda këtyre qendrave të masazhit”, vijon njoftimi.

Policia e shtetit ka shtuar se në përfundim klientët bënin pagesën për shërbimin e masazhit dhe shërbimet seksuale që ata përfitonin dhe këto përfitime ndaheshin ndërmjet administratorëve të këtyre qendrave dhe punonjëseve që kryenin këto shërbime.

“Po në vijim të operacionit u procedua penalisht për veprën penale “Moskallëzim krimi shtetasja S.D., 21 vjeçe, e cila në cilësinë e menaxheres të një prej qendrave, nuk ka treguar për këtë aktivitet të kundraligjshëm që kryhej brenda kësaj qëndre masazhi. Gjithashtu u proceduan penalisht për veprën penale “Prostitucioni” 5 shtetase”, thuhet në njoftimin e policisë në Facebook.