Aksidentohen katër vetura në Lipjan, dy prej tyre ishin të parkuara

Sot rreth orës 11:00, Policia ka pranuar informatën se në Lipjan ka ndodhur një aksident trafiku.

Në këtë aksident kanë qenë të përfshira 4 automjete, prej tyre dy automjete në lëvizje dhe dy të tjera të parkuara.

Rasti u konfirmua për KALLXO.com nga zëdhënësja e Policisë për rajonin e Prishtinës, Flora Ahmeti.

“Si pasojë e aksidentit lëndime  trupore kanë pësuar tre persona” – tha ajo më 18.08.2024.

Me rastin po merret hetuesia nga njësiti i trafikut rrugor.