Aksidenti tragjik në Bullgari, reagon Shoqata e Transportit rrugor të Kosovës

Shoqata e Transportit rrugor të udhëtarëve të Kosovës, është shprehur e shokuar nga aksidenti tragjik në Bullgari ku mbeten të vdekur rreth 46 udhëtarë nga Maqedonia e Veriut.

Kryetari i kësaj Shoqate, Ruzhdi Kurtishaj, ka thënë se luten që aksidente të tilla mos të ndodhin më.

“U shprehim ngushëllime familjeve të aksidentit në Bullgari. Aksidenti tragjik na ka prekur thellë, ky lajm i trisht na ka lënduar të gjithëve. Ne emër tim personal dhe të Shoqatës së Transportit rrugor të Udhëtarëve i shprehim ngushëllime, familjarëve të të vdekurve, ndërsa udhëtarëve të lënduar shërim të shpejt. Lutemi që aksidente të tilla të mos ndodhin!”, ka Kurtishaj në rrjetin social “Facebook”.

Të paktën 46 persona, shumica prej tyre nga Maqedonia e Veriut, kanë vdekur pasi një autobus është përfshirë nga flakët në një autostradë në perëndim të Bullgarisë më 23 nëntor. Në autobus besohet se kanë qenë 52 persona.

Një aksident tragjik me autobus kishte ndodhur edhe më 26 korrik 2021. Dhjetë persona kanë mbetur të vdekur e mbi 40 të tjerë  të lënduar në aksidentin e një autobusi nga Kosova në Kroaci.

Aksidenti që ka ndodhur afër Sllavonski Brodit po udhëtonte nga Frankfurti drejt Prishtinës i mbushur me udhëtarë kosovarë që vinin drejt Kosovës për pushime.