Aksidenti në Suharekë përfundon me përleshje
10.9.2020 - 11:35
Katër persona të dyshuar pas një aksidenti trafiku janë përfshirë edhe në një rrahje në fshatin Mushtisht të Suharekës.
Sipas njoftimit të bërë nga ana e policisë, rasti ka ndodhur para dy ditëve, rreth orës 23:00.
Sipas njoftimit, të dyshuarit fillimisht janë përfshirë në një aksident trafiku e më pas janë rrahur mes vete.
Si pasojë dy prej tyre kanë pësuar lëndime trupore për të cilat kanë pranuar tretman mjekësor në spitalin e Prizrenit. Në konsultim me prokurorin, rasti vazhdon në procedurë të rregullt.