Aksidenti në Carralevë, zjarrfikësit intervenojnë për t'i larguar pasagjerët nga autobusi

Një aksident trafiku në mes një kamioni dhe një autobusi ka ndodhur mëngjesin e sotëm në rrugën Carralevë – Duhël.

Të dhënat zyrtare tregojnë se së paku tre persona kanë pësuar lëndime të lehta trupore si pasojë e këtij aksidenti.

Zëdhënësi i Policisë së Kosovës për rajonin e Prizrenit, Shaqir Bytyqi ka thënë për KALLXO.com se aksidenti ka bërë që autobusi të dalë jashtë rrugës, duke e bërë të pamundur që pasagjerët të dalin nga mjeti transportues.

Ai shtoi se në intervenim për t’i nxjerrë qytetarët nga autobusi kanë dalë edhe zjarrfikësit.

Sipas tij të lënduarit janë dërguar në Qendrën Kryesore të Mjekësisë Familjare në Suharekë për trajtim mjekësor.

Bytyqi theksoi se zyrtarët policor kanë dal në vendin e ngjarjes dhe janë duke u marrë me rastin.

Aksident mes autobusit dhe kamionit në rrugën Carralevë-Duhël, tre të lënduar