Aksidenti me fatalitet në Podujevë, deklarohet Prokuroria
Një aksident trafiku me fatalitet në mes një autobusi dhe një veture ka ndodhur mëngjesin e sotëm në Podujevë, ku të vdekur kanë mbetur dy persona dhe dy fëmijë janë lënduar.
Lidhur me rastin, zëdhënësja e Prokurorisë Themelore në Prishtinë, Laureta Ulaj ka thënë për KALLXO.com se me udhër të prokurorit kujdestar, rasti është iniciuar “Rrezikimi i trafikut publik”.
Tutje Ulaj ka thënë se ndaj këtij rasti, Prokuroria në koordinim me Policinë janë duke i ndërmarrë të gjitha veprimet e nevojshme hetimore.
KALLXO.com raportoi edhe me herët lidhur me rastin.
Zëdhënësja e Policisë së Kosovës për rajonin e Prishtinës, Flora Ahmeti kishte thënë se vetura ishte me targa të huaja.
Ajo kishte treguar se truapt e dy viktimvët, një burrë dhe një grua janë te moshës 35 dhe 36 vjeçare, janë dërguar në Institutin e Mjekësisë Ligjore për Obduksion.
Ahmeti kishte thënë se dy të lënduarit, fëmijë janë dërguar për tretman mjekësor.