Aksident trafiku në Vitomoricë të Pejës, pëson lëndime një motoçiklist  

Një person ka pësuar lëndime trupore pas një aksidenti në fshatin Vitomiricë të Pejës mbrëmjen e së shtunës, më 15.02.2025. 

Kështu ka konfirmuar për KALLXO.com zëdhënësi i Policisë për Rajonin e Pejës, Driton Rugova.

Rugova thotë se në këtë aksident janë përfshirë një veturë dhe një motoçikletë, me ç’rast vozitësi i motoçikletës është lënduar.

“I njëjti është dërguar me autoambulancë në Spitalin Rajonal në Pejë për tretman mjekësor”- thekson Rugova.