Aksident trafiku në Vitomiricë të Pejës, lëndohen dy persona

Një aksident trafiku ka ndodhur në Vitomiricë të Pejës.

Dy persona mbetën të lënduar si pasojë e aksidentit mes veturës dhe motoçikletës, konfirmon Driton Rugova, zëdhënës i Policisë Rajonale të Pejës.

Rugova thotë se të lënduarit u dërguan në emergjencën e Spitalit Rajonal në Pejë.

“Sot rreth orës 16:40, Policia është njoftuar për një aksident trafiku i cili ka ndodhur ne rrugën Pejë-Istog, saktësisht në fshatin Vitomiricë, në këtë aksident kanë qenë të involvuara 1 veturë dhe 1 motoçikletë si pasojë e këtij aksidenti dy (2) persona kanë pësuar lëndime trupore” – deklaroi Rugova.