Aksident trafiku në Prishtinë, lëndohet motoçiklisti

Një aksident trafiku mes një automjeti dhe një motoçiklete ka ndodhur sot, më 15.08.2024, në lagjen “Lakrishtë” në Prishtinë.

Lajmi për KALLXO.com është konfirmuar nga Flora Ahmeti, zëdhënëse e Policisë për Rajonin e Prishtinës.

“Sot rreth orës 16:00, në lagjen ‘Lakrishte’ në Prishtinë ka ndodhur një aksident trafiku, ku janë përfshirë një automjet dhe një motoçikletë”- ka bërë të ditur zëdhënësja Ahmeti.

Si pasojë e aksidentit, sipas Ahmetit, është lënduar një person (motoçiklisti), i cili është dërguar për trajtim mjekësor.

Me rastin po merret njësiti i trafikut.