Aksident trafiku në Llukar të Prishtinës

Një veturë në lëvizje është aksidentuar sot, 15.08.2024, në fshatin Llukar të Prishtinës.

Flora Ahmeti, zëdhënëse e Policisë për Rajonin e Prishtinës, ka thënë për KALLXO.com se si pasojë e aksidentit, një person ka mbetur i lënduar.

“Rreth orës 10:00 kemi pranuar informatën se në fshatin Llukarë, ka ndodhur një aksident trafiku me lëndime. Në këtë aksident ka qenë e përfshirë, një veturë në lëvizje. Si pasojë e aksidentit lëndime trupore ka pësuar një person (ngasësi i automjetit)”- ka thënë Ahmeti.

Sipas saj, i lënduari është  dërguar për trajtim mjekësor, ndërsa me rastin po merret njësiti i trafikut.