Aksident trafiku në Ferizaj, vdes këmbësorja

Një aksident trafiku me fatalitet ka ndodhur në Ferizaj më 07.08.2024 rreth orës 15:40.

Zëdhënësi i Policisë Rajonale të Ferizajt, Kanun Veseli, ka njoftuar se një grua rreth 40-vjeçare ka vdekur si pasojë e aksidentit.

Aksidenti ndodhi në rrugën “Driton Islami” dhe në të u përfshi një veturë “Opel” me targa vendore dhe një këmbësore.

“Drejtuesi i veturës nuk është ndalur në vendin e ngjarjes dhe është larguar në drejtim të panjohur” – thotë Veseli.

Viktima grua, rreth 40-vjeçare, ka përsuar lëndime trupore, me ç’rast u dërgua në Qendrën Klinike Universitare të Kosovës për trajtim mjekësor, ku edhe ka vdekur.

“Në ora 19:15 nga Qendra Klinike Universitare e Prishtinës jemi njoftuar se viktima, e cila ishte duke u trajtuar ka ndërruar jetë” – deklaroi Veseli.

Në stacion policor u paraqit i dyshuari R.M, 18-vjeçar, i cili ishte larguar nga vendi i ngjarjes.

Pas intervistimit, i dyshuari u ndalua në mbajtje.