Aksident trafiku mes traktorit dhe dy veturave në Klinë, tre persona të lënduar

Tre persona kanë pësuar lëndime trupore si pasojë e një aksidenti trafiku që ka ndodhur sonte më 02.08.2024 në fshatin Zllakuqan të Klinës.

Lajmin për KALLXO.com e ka konfirmuar zëdhënësi i Policisë në rajonin e Pejës, Driton Rugova.

Ai ka bërë të ditur se të përfshira në këtë aksident ishin dy vetura dhe një traktor.

“Sot rreth orës 19:55, Policia është njoftuar për një aksident trafiku i cili ka ndodhur ne fshatin Zllakuqan- Klinë, në këtë aksident ishin të involvuara dy (2) vetura dhe një (1) mjet pune ( traktor) si pasojë e aksidentit tre (3) persona kanë pësuar lëndime trupore, të njejtit janë dërguar në spitalin rajonal në Pejë për tretman mjekësor”- ka thënë ai.