Aksident në rrugën Prishtinë- Mitrovicë, vdes këmbësori
Një 83 vjecar ka vdekur si pasojë e goditjes nga një veturë në rrugën nacionale Mitrovicë- Prishtinë, në dalje të Vushtrrisë.
Lajmin për KALLXO.com e ka konfirmuar zëdhënësi i Policisë në Rajonin e Mitrovicës, Avni Zahiti, i cili ka bërë të ditur se aksidenti ka ndodhur mbrëmë rreth orës 18:00.
“Mbrëmë rreth orës 18:00, në rrugën nacionale Mitrovicë-Prishtinë, segmenti në dalje të Vushtrrisë, ka ndodhur një aksident trafiku me lëndime të rënda trupore, ku një veturë ka goditur një kembësor. Këmbësorit të lënduar ndihma e parë i është dhënë në spitalin e Vushtrrisë, ndërsa më pas është dërguar në QKUK për tretman mjekësor”, ka thënë Zahiti.
Ai tutje ka shtuar se Policia sot rreth orës 05:00, nga QKUK është njoftuar se i lënduari S.M., 83 vjeçar ka vdekur.
Zahiti ka bërë të ditur se me urdhër të prokurorit të rastit, trupi i viktimës është dërguar në Institutin e Mjekësisë Ligjore.
“Deri te aksidenti dyshohet se ka ardhur nga pakujdesia e drejtuesit të automjetit, të cilit i është caktuar masa e ndalimit per 48 orë”, ka thënë Zahiti.