Aksident në rrugën 'Muharrem Fejza' në Prishtinë

Një aksident trafiku ka ndodhur në rrugën “Muharrem Fejza” në Prishtinë.

Sipas fotografive të dërguara në redaksinë e KALLXO.com, shihet se në aksident janë të përfshirë dy  automjete.

Dëshmitari i rastit i ka thënë KALLXO.com se një person ka mbetur i lënduar dhe se Policia gjendet në vendin e ngjarjes.

Në vendin e ngjarjes shihet edhe automjeti i autoambulancës.

Rruga është bllokuar në të dyja anët si pasojë e aksidentit.

KALLXO.com ka kontaktuar edhe me Policinë Rajonale të Prishtinës rreth këtij rasti dhe në momentin që do ketë njoftim zyrtar nga Policia, do të përditësoheni rreth këtij aksidenti.