Foto-ilustrim
Aksident në Prishtinë, shtatë të lënduar
19.9.2021 - 20:34
Shtatë persona kanë marrë lëndime trupore pas një aksidenti që ka ndodhur në lagjen Kodra e Trimave.
Zëdhënësja e Policisë së Rajonit të Prishtinës, Florie Ahmeti tha për KALLXO.com se të lënduarit janë dërguar për trajtim mjekësor.
“Sot rreth orës 19:00, në lagjen Kodra e Trimave në Prishtinë, ka ndodhur një aksident trafiku, ku kanë qenë të përfshira dy automjete në lëvizje”, tha Ahmeti.
Ahmeti tha se Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident.