Aksident në Prishtinë, lëndohen tre persona
14.4.2023 - 21:21
Një aksident trafiku me lëndime ka ndodhur sonte në rrugën “Bill Klinton” në Prishtinë.
Në një prononcim për KALLXO.com, zëdhënësja e Policisë së Kosovës, Florie Ahmeti ka thënë se në aksident janë përfshirë dy vetura, si pasojë e të cilit lëndime trupore kanë pësuar tre persona.
“Rreth orës 21:00 kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar tre persona. Me rastin po merret njësiti i trafikut”- ka thënë Ahmeti.
KALLXO.com ka siguruar pamje nga vendi i ngjarjes, ku shihet njëra nga veturat e aksidentuara.