Aksident në magjistralën Gjakovë-Prizren, lëndohen tre persona

Një aksident trafiku ka ndodhur këtë  të diel, në magjistralën Gjakovë-Prizren, saktësisht te fshati Rogovë.

Drejtori i Policisë së Gjakovës, Lumni Graishta, ka bërë të ditur se nga aksidenti tre persona kanë mbetur të lënduar.

“Aksidenti ka ndodhur në mes të fshatrave Rogovë dhe Celinë. Të përfshira janë dy automjete ndërsa si pasojë e aksidentit tre persona janë lënduar rëndë të cilët për momentin janë duke marrë ndihmën mjekësore në spitalin rajonal kurse në vendngjarje janë njësitet e trafikut nga DRP Gjakovë”, ka thënë Graishta.

Pamjet mund t’i shihni duke klikuar KËTU.

Në vendngjarje ka dalë ekipi i policisë së trafikut rrugor dhe po merret me rastin.

Policia e Kosovës vazhdimisht u apelon ngasësve që ta përshtatin shpejtësinë me kushtet e rrugës si dhe t’i respektojnë rregullat e komunikacionit./Telegrafi/