Aksident në Lipjan, vetura përfundon në lokalin afër një shtëpie

Katër persona kanë mbetur të lënduar si pasojë e një aksidenti në mes dy veturave në Lipjan.

Lajmin për KALLXO.com e ka konfirmuar zëdhënësi i Policisë së Kosovës për rajonin e Prishtinës, Agron Borovci.

Ai ka treguar se njëra nga veturat e aksidentuara ka përfunduar në lokalin e një shtëpie në skaj të rrugës.

Tutje ai ka thënë se si pasojë e aksidentit personat e lënduar kanë marrë trajtimin e nevojshëm mjekësor.

Ngjarja raportohet të ketë ndodhur rreth orës 01:00 në rrugën “Bajram Gashi” në Lipjan.

Borovci ka treguar se njësia rajonale e trafikut ka dal në vendin e ngjarjes dhe po ndërmerr veprimet e nevojshme për hetimin e shkaqeve që kanë sjellë deri te ky aksident.